Netnámskeið um úrvinnslu kindakjöts frá slátrun að fullbúinni vöru

​

Samstarf Matís og Landbúnaðarháskóla Íslands um gerð kennsluefnis og námskeiða á netinu fyrir smáframleiðendur á kindakjötsafurðum.

​

Fullvinnsla á kindakjöti heima á sveitabæjum sem og hjá öðrum smáframleiðendum, mun líklega fara vaxandi á næstu árum.  Leyfisveitendur og eftirlitsaðilar krefjast þess í mun ríkari mæli að framleiðendur geti sýnt fram á sannanlegan hátt, að þeir hafi faglega þekkingu og reynslu til að geta framleitt öruggar og góðar vörur.

Með þessu námskeiði, er þeim sem hafa áhuga á úrvinnslu  kindakjöts, gert mögulegt að sækja sér yfirgripsmikla þekkingu á netinu og að lokum, með prófun, staðfesta tilskylda kunnáttu.

​​

​

​

​

​

Um námið á netinu

• Matís og Landbúnaðarháskóli Íslands með dyggri aðstoð Framleiðnisjóðs eru bakhjarlar þessa verkefnis.
  Námsefnið er unnið úr ýmsum gögnum s.s. úr fyrri rannsóknum og því náms- og kynningarefni sem útbúið hefur verið í Matís og forverum þess.

• Höfundar efnisins, eins og það birtist hér, er unnið af Óla Þór Hilmarssyni Kjötiðnaðarmeistara, Guðjóni Þorkelssyni MS.c og prófessor í matvælafræði, Þóru Valsdóttir MS.c matvælafræði, Snorra Karl Birgissyni BS.c matvælafræði og Júlíu Sigurbergsdóttur aðalbókara. Ólafur Rögnvaldsson sá um kvikmyndun og Sigurður Heimir Guðjónsson margmiðlunarfræðingur sá um grafík og vefhönnun.
   

• Hvernig fer námið fram

  • Nemandi sendir þátttökutilkynningu til Matís, þar sem fram kemur nafn, kennitala, heimilisfang og netfang.

  • Fær þá senda greiðslutilkynningu í heimabanka.

  • Þegar staðfest greiðsla liggur fyrir, fær viðkomandi sendan innskráningarkóða á vefsvæði, þar með er viðkomandi nafn, kennitala og staðfest þátttaka er fengin.

​

• Réttindi og viðurkenningar

  • Hver kafli er sjálfstæð kennslueining. Eftir yfirferð hvers kafla fyrir sig kemur próf í formi spurninga. Að lokinni próftöku kemur fram hvaða spurningum hefur verið svarað rétt og hverjum ekki, hægt er að endurtaka prófið eins oft og þurfa þykir.

  • Þegar öllum köflum hefur verið lokið með a.m.k. 80% réttum svörum í hverjum þeirra, er staðfest af nemanda, að prófum sé lokið. Eftir það lokast á frekari próftöku en efnið verður áfram aðgengilegt nemandanum.

  • Viðkomandi fær sent viðurkenningarskjal þar sem staðfest er af kennurum að þessu námi sé lokið með fullnægjandi hætti.